Ազնավուր քոլեջի և ATV հեռուստաընկերության միջև համագործակցության հուշագիր կնքվեց

Երևանի Շառլ Ազնավուրի անվան մշակույթի և արվեստի պետական քոլեջն ու  ATV հեռուստաընկերությունն այսուհետ առավել սերտ համագործակցություն կունենան։ Երկու հաստատությունների տնօրենները, նման որոշման եկան այսօրվա կայացած հանդիպման ընթացքում։

Հրաչ Քեշիշյանն ու Վրեժ Կիրակոսյանը հանդիպման ընթացքում քննարկեցին հետագա համագործակցության հնարավորություններն ու հեռանկարները։ Ինչպես նաև, ձեռք բերվեցին պայմանավորվածություններ՝ մի շարք համատեղ երկարաժամկետ ծրագրերի իրագործման համար։

Հանդիպման ավարտին, Երևանի Շառլ Ազնավուրի անվան մշակույթի և արվեստի պետական քոլեջի տնօրեն Վրեժ Կիրակոսյանն ու ATV հեռուստաընկերության գլխավոր տնօրեն Հրաչ Քեշիշյանը համագործակցության հուշագիր կնքեցին։

Երկկողմ կնքած հուշագրի արդյունքում, կողմերը միմյանց կցուցաբերեն ակադեմիական, մշակութային, կրթական ծրագրեր իրականացնելու աջակցություն։ Ինչպես նաև, Ազնավուր քոլեջի ուսանողների համար հեռուստաընկերությունը, որպես պրակտիկ հարթակ տրամադրելու համար։