«Երգեք որքան կարող եք»․ Բարսեղ Թումանյանը՝ «Ազնավուր» քոլեջի ուսանողներին․ տեսանյութ
Լեգենդար
օպերային երգիչ ՀՀ ժողովրդական արտիստ Բարսեղ Թումանյանը օրերս վարպետության դաս վարեց
Երևանի Շառլ Ազնավուրի անվան մշակույթի և արվեստի պետական քոլեջում։
Մինչ վարպետության դասի մեկնարկը, Բարսեղ Թումանյանը քոլեջի տնօրեն Վրեժ Կիրակոսյանի ուղեկցությամբ շրջայց ունեցավ քոլեջում, եղավ նաև քոլեջում գործող Վանուշ Խանամիրյանի անունը կրող պարասրահ-թանգարանում, որտեղ ի պահ է տրված հայկական պարի լեգենդ Վանուշ Խանամիրյանի իրերը։
«Երգեք որքան կարող եք, որքան երգեք՝ այնքան ձայնը կբացվի»,- Վարպետության դաս-հանդիպման ժամանակ ուսանողներին խորհուրդ տվեց ժողովրդական արտիստը։
Ստեղծագործական հարուստ գործունեության, ձեռքբերումների ու դժվարությունների մասին խոսելուց զատ լեգենդար օպերային երգիչը ունկնդրեց նաև քոլեջի «Երգեցողություն» մասնագիտության ուսանողների կատարումները։
Հանդիպման մանրամասաները՝ տեսանյութում․
Տեսանյութը՝ «Լուսանկարչական գործ» մասնագիտության 4-րդ կուրսի ուսանողուհի Անուշիկ Ասատրյանի։
Լուսանկարները՝ «Լուսանկարչական գործ» մասնագիտության 3-րդ կուրսի ուսանողուհի Սոնա Պետրոսյանի։