Քոլեջի պարախումբն արժանացել է «Страна легенд» միջազգային պարի փառատոնի հատուկ դիպլոմի

Հուլիսի 29-ից- օգոստոսի 3-ը Վրաստանում կայացել է «Страна легенд» XIX  ազգային երգի և պարի միջազգային փառատոնը, որտեղ այս տարի մասնակցել է 7 երկիր՝ Հայաստան, Վրաստան, Բուլղարիա, Բելառուս, Թուրքիա, Լատվիա, Ինդոնեզիա:

Հայաստանը ներկայացրել են Երևանի Շառլ Ազնավուրի անվան մշակույթի և արվեստի պետական քոլեջի  «Պարարվեստ» մասնագիտության ուսանողները։

Փառատոնային օրերին, «Ազգային պարեր» ծրագրի շրջանակներում, քոլեջի պարախումբը փայլուն կատարումներով հանդես են եկել Մարտվիլի, Չոխորոցկու, Խոնսկի, Ցխալտուբո և Թբիլիսի քաղաքներում ներկայացնելով հայ ազգային պարերը։

Հայաստանյան պատվիրակության կազմը ղեկավարել է քոլեջի տնօրեն Վրեժ Կիրակոսյանը, իսկ պատվիրակության կազմում են եղել քոլեջի Նադեժդա Սարգսյանի անվան «Երաժշտության» ամբիոնի «Պարարվեստ» մասնագիտության դասախոսներ Սաթենիկ Ավետիսյանը և Թամարա Գալոյանը։

Փառատոնի կազմկոմիտեի կողմից քոլեջի պարախումբն արժանացել է հատուկ խրախուսական դիպլոմի։ Իսկ քոլեջի տնօրեն Վրեժ Կիրակոսյանին արժանացրել են շնորհակալական դիպլոմի։

Այցի ընթացքում նաև ձեռք է բերվել փառատոնի շրջանակներում համագործակցությունը շարունակական դարձնելու պայմանավորվածություն։

Մանրամասները՝ կից տեսանյութում․