Կինոռեժիսոր, պրոդյուսեր Միքայել Դովլաթյանը հանդիպում-զրույց ունեցավ Շառլ Ազնավուր քոլեջի ուսանողների հետ
Կինոռեժիսոր, դերասան, պրոդյուսեր, Հայաստանի կինեմատոգրաֆիստների միության «Ռեժիսուրա գիլդիայի» նախագահ Միքայել Դովլաթյանը հանդիպում-զրույց ունեցավ Շառլ Ազնավուր քոլեջի «Լուսանկարչական գործ», «Ռեժիսուրա» «Դերասանական արվեստ» մասնագիտություններում սովորող ուսանողների հետ։
Հանդիպման ավարտին ուսանողները դիտեցին պրոդյուսեր Միքայել Դովլաթյանի և ֆրանսահայ ռեժիսոր Անահիտ Դասյո Տեր-Մեսրոպյանի «Հայաստան. արտիստների ժամանակը» ֆիլմը, որը արծարծում է, թե ինչ է նշանակում օտարության մեջ հայ լինելը և այն զավակներին փոխանցելը։
Ֆիլմում նկարահանվել են անվանի ծագումով հայեր Սիմոն Աբգարյանը, Ատոմ Էգոյանը, Դեն Ղարիբյանը, Սերժ Ավետիքյան և այլոք։ Ֆիլմի ստեղծմանը ոչ ուղղակի մասնակցություն է ունեցել լեգենդար շանսոնյե Շառլ Ազնավուրը։
Ավարտին հարց ու պատասխանի ձևաչափով փոքրիկ զրույց ծավալվեց ուսանողների և կինոռեժիսոր-պրոդյուսեր Մ․Դովլաթյանի միջև՝ ֆիլմի նկարահանման ընթացքում ծագած դժվարություններից մինչև հետարտադրական պրոցես։
Ուսանողների հետաքրքրված հարցադրումները չանտեսելով Մ․ Դովլաթյանը խոստացավ, նոր ուսումնական տարվա ընթացքում քոլեջում ուսանողների համար կազմակերպել իր և այլ հայ անվանի կինոռեժիսորների ֆիլմերի դիտումներ։
Լուսանկարները՝ Լուսանկարչական գործ մասնագիտության 3-րդ կուրսի ուսանողուհի Ալիսա Հովհաննիսյանի։
