Ինչո՞ւ ընտրել «Արվեստի ստեղծագործությունների վերականգնում, կոնսերվացում և պահպանում» մասնագիտությունը

Ի՞նչ է անում նկարիչ-վերականգնողը

Նկարիչ վերականգնողը նոր կյանք է տալիս մշակութային արժեքներին (հաստոցային գեղանկար, գրաֆիկա, քանդակ, կերամիկա և այլն)՝ մասնակի վերականգնման, կոնսերվացման և պահպանման միջոցով։

Ի՞նչ առաջադրանքներ է կատարում

·     Պահպանում և նոր կյանք է տալիս մեզ հասած արվեստի գործերին, էքսպոնատներին, տալիս նրանց նկարագարություն և գիտական քարտ։

·     Ըստ վնասվածության աստիճանի, կատարում է վերականգնում՝ չվնասելով հեղինակի հատուկ ոճը և տեխնիկան։

·     Ընտրում է ճիշտ միջավայր՝ պահպանելով անվտանգության կանոնները, ըստ էսքսպոնատի վիճակի, որոշում հետագա անելիքները՝

1․ Մակերեսի մաքրում

2․ Ներկաշերտի ամրացում

3․ Գույների մոտեցում

4․ Եզրամիացում

5․ Կրկնապատում

6․ Հին լաքի հեռացում և նոր լաքապատում

7․ Պատռվածքների ամրացում

8․ Կոտրվածքների և կորուստների լրացում և այլն։

Նկարիչ վերականգնողը գիտի՝

·     Ճիշտ ցուցադրել էքսպոնատը՝ ցուցասրահում,

·     Պահոցներում ճիշտ պահպանել-դասավորել էքսպոնատը,

·     Հաշվի առնել միջավայրի լուսավորությունը, խոնավությունը,

·     Պահպանել տեղափոխության համար անհրաժեշտ պայմանները։

Նկարիչ վերականգնողը  կարողանում է՝

·     Տիրապետել արվեստի ստեղծագործությունների ճիշտ նկարագրելու կարողություններին,

·     Տիրապետել ընդօրինակման պահաջներին, որպեսզի հետագայում ճիշտ ընկալի հեղինակի գունային ներկապնակը և վրձնահարվածները (ֆակտուրա, կոլորիտ, տոնավորում և այլն),

·     Տիրապետել հին և ժամանակակից արվեստի գործերը տարբերակելուն,

·     Տիրապետել ստեղծագործական նյութերին, դրանց տարատեսակներին, առանձնահատկություններին, հին ու ժամանակակից արտադրությունները տարբերակելուն, ինչպես նաև դրանցով աշխատելու կարողություններին։

Իսկ Դուք գիտե՞ք, որ

Նկարիչ-վերականգնողներն ի հայտ են եկել 1925-1930-թթ․։ Այդ ժամանակահատվածում է կազմավորվել նոր դպրոցներ՝ արվեստի գործերի վերականգնման համար։ Իսկ մինչ այդ, նկարիչները իրենք են փորձել վերականգնել և սերունդներին փոխանցել այն ինչ պահպանվել է։

Իսկ այսօր, ավելի արդի և նոր տեխնոլոգիաներով, բժշկի մասնագիտությանը հարիր ավելի նրբանկատ ու գիտակից մոտեցում են ցուցաբերում մեզ հասած մշակութային արժեքներին և նրանց պահպանմանը։

Շառլ Ազնավուր քոլեջի բոլոր մասնագիտություններին և ընդունելության պայմաններին ծանոթանալու համար սեղմի՛ր այստեղ․