ԵՄԱՊՔ-ի սաները մասնակցեցին Արամ Նիկոլյանի «Տարազ և նորաձևություն» թեմայով բանախոսությանը
Օրերս Հայաստանի պատմության թանգարանում,
«Դրվագներ ինքնության. տարազ» ցուցահանդեսի շրջանակներում, տեղի ունեցավ դիզայներ-մոդելավորող,
«Նիկոլյան›› նորաձևության տան հիմնադիր- տնօրեն Արամ Նիկոլյանի բանախոսություն-վարպետության
դասը։ Յուրօրինակ վարպետության դասին ներկա լինելու հնարավորություն էր ընձեռնված նաև
Երևանի մշակույթի և արվեստի պետական քոլեջի «Հագուստի մոդելավորում և նախագծում» մասնագիտություն
ուսումնասիրող ուսանողներին։
Վարպետության դաս-բանախոսության շրջանակում Արամ Նիկոլյանը ներկայացրեց նաև իր «Ուրֆա» հավաքածուից որոշ նմուշներ, բացահայտեց, թե ինչպես կարելի է ոգեշնչվել և ստեղծել բացառիկ ու յուրօրինակ հայկական հավաքածու, որն իր ուրույն տեղը կունենա համաշխարհային նորաձևության մեջ։
Ի դեպ, «Ուրֆա» հավաքածուն ստեղծվել է Հայաստանի պատմության թանգարանի տարազային համալիրների, Ուրֆայի ոսկեթել և արծաթաթել ասեղնագործության հիմքով:
