Ինչո՞ւ ընտրել «Երգեցողություն» մասնագիտությունը

Ի՞նչ է անում երգիչը

Երաժշտությունը արվեստի տեսակ է, որի հիմքում ընկած է ձայնը և լռությունը։ Իսկ երգչի առանձնահատկությունը կայանում է նրանում, որ նա ձայնի շնորհիվ  է ստեղծում արվեստ։ Երգիչը, իր ընտրած ժանրային առանձնահատկությամբ կատարում է ստեղծագործություններ, երգեր՝ տարբեր բարդությունների, նվագակցությամբ (դաշնամուր, նվագախումբ և այլ գործիքներ)։

Ի՞նչ առաջադրանքներ է կատարում

·     Ընտրում է  ստեղծագործությունը(կոմպոզիցիան)։

·     Նվագակցողի հետ ստեղծագործությունը հարմարեցնում է իր տոնայնությանը։

·     Պարապմունքների միջոցով ձևավորում է կատարողականությունը։

·     Կատարում է ձայնավարժություններ՝ ձայնի, ժանրային առանձնահատկությունները  հղկելու և կատարելագործելու նպատակով։

·     Տիրապետում է բեմական գործունեության նրբություններին։

Երգիչը գիտի՝

·     Ինչ է ժանրը,

·     Ինչ է տոնայնությունը,

·     Ինչ է կոմպոզիցիան,

·     Ինչ է շնչառությունն ու ձայնածավալը,

·     Ընտրած ժանրի մեջ առանձնահատկությունները և խաղիկներին տիրապետելու հմտությունները։

Երգիչը կարողանում է՝

·     Կատարել երգեր,

·     Երգել անսամբլում,

·     Երգել երգչախմբում,

·     Ընտրել ստեղծագործությունը, ընտրել իրեն հարմար տոնայնությունը և երգել՝ ինքն իրեն նվագակցելով։

·     Տիրապետել ճիշտ շնչառության և ձայնի արտաբերման բոլոր կանոններին։

Իսկ Դուք գիտե՞ք, որ

Վոկալ երաժշտությունը համարվում է երաժշտության ամենահին ձևը, քանի որ բացի մարդկային ձայնից, այն այլ գործիքներ չի պահանջում։

Երաժշտական բոլոր մշակույթները ունեն վոկալ երաժշտության որևէ տեսակ։ Այն բաժանվում է մի շարք ժանրերի, որոնցից ամենահիմնականներն են՝ դասական, էստրադային և ժողովրդական երաժշտությունը։

Ամենահինը համարվում է դասական երաժշտությունը և դրանից է սկիզբ առել և առանձնացել երկու ժանրերը։

Նշված երեք հիմնական ժանրերը, դարերի ընթացքում կատարելագործվելով, տարբեր փոփոխության ենթարկվելով, հասել են մեր օրեր։ Այսօր ամենատարածված ժանրը համարվում է էստրադային ժանրը, որն իր մեջ ամփոփում է ջազ, փոփ, հիփ հոփ և այլ ոճեր։  

Շառլ Ազնավուր քոլեջի բոլոր մասնագիտություններին և ընդունելության պայմաններին ծանոթանալու համար սեղմի՛ր այստեղ․