Շառլ Ազնավուր 100․ մեծ համերգային ծրագրով քոլեջը տոնեց լեգենդար արտիստի հոբելյանը․ տեսանյութ

Երևանի Շառլ Ազնավուրի անվան մշակույթի և արվեստի պետական քոլեջում աշխարհահռչակ շանսոնիե, լեգենդար հայ ՇԱՌԼ ԱԶՆԱՎՈՒՐԻ 100-ամյակը տոնվեց մեծ համերգային ծրագրով:

Մինչ համերգային ծրագրին անցնելը, քոլեջի տնօրենի հրամանով, երկարամյա գործունեության և ունեցած ավանդի համար Երևանի Շառլ Ազնավուրի անվան մշակույթի և արվեստի պետական քոլեջի «Ոսկե հուշամեդալով» պարգևատրվեցին մի շարք աշխատակիցներ և դասախոսներ։ Ուսումնական պարտականությունների օրինակելի կատարման, անբասիր ուսման և քոլեջի միջովառումներին ակտիվ մասնակցություն ցուցաբերելու համար Շառլ Ազնավուրի անվան մշակույթի և արվեստի պետական քոլեջի «Ոսկե հուշամեդալի» արժանացավ նաև 1 ուսանող և 3 շրջանավարտ՝ ուսանելու տարիներին ուսումնական պարտականությունների օրինակելի կատարման, քոլեջի միջոցառումներին ակտիվ մասնակցության համար, ինչպես նաև մասնագիտական գործունեության մեջ ունեցած ձեռքբերումների և հայ մշակույթը արժանավայել ներկայացնելու համար։

Քոլեջի «Ոսկե հուշամեդալով» պարգևատրվեց նաև ՀՀ վաստակավոր արտիստ Դավիթ Հակոբյանը՝ մասնագիտական կարողությունները ի նպաստ քոլեջի մշակութային, ակադեմիական, ուսումնական գործունեության մեջ ներդնելու և դրա կայացմանն աջակցելու համար։

Իսկ շուրջ 21 ուսանող՝  ուսումնական պարտականությունների օրինակելի կատարման, անբասիր ուսման և քոլեջի միջովառումներին ակտիվ մասնակցություն ցուցաբերելու համար պարգևատրվեցին քոլեջի կրծքանշանով և պատվոգրով։

Պարգևատրման արարողությանը հաջորդեց Շառլ Ազնավուրի երգերից կազմված համերգային ծրագիրը համեմված շանսոնիեի կենսագրական մեջբերումներով:

Ի դեպ, այս համերգային ծրագրով «Ազնավուր» քոլեջը մեկնարկեց «Շառլ Ազնավուր 100» միջոցառումների շարքը:

Շառլ Ազնավուր-100 համերգայի միջոցառումն ամբողջությամբ կարող եք դիտել տեսանյութում։

Միջոցառման լուսանկարները ՝ այստեղ․ և այստեղ․

Տեսանյութը՝ «Լուսանկարչական գործ» մասնագիտության 3-րդ կուրսի ուսանողուհիներ Սոնա Պետրոսյանի և Վիկա Ավետիսյանի։