ՇՐՋԱԲԵՐԱԿԱՆ ԵՐԵՎԱՆԻ ՄՇԱԿՈՒՅԹԻ ՊԵՏԱԿԱՆ ՔՈԼԵՋՈՒՄ ՀԵՌԱՎԱՐ ՈՒՍՈՒՑՄԱՆ ԿԱԶՄԱԿԵՐՊՄԱՆ

March 19, 2020 at 1:00 pm

Քաղվածք Երևանի մշակույթի պետական քոլեջի տնօրենի հրամանից՝ արտակարգ դրության պայմաններում դասընթացները կազմակերպելու մասին․

Հիմք ընդունելով ՀՀ կրթության, գիտության, մշակույթի և սպորտի նախարարի թիվ 02/08.1/6735-20, 18․03․2020թ․ գրությունը և ելնելով արտակարգ դրության պայմաններում ուսումնական գործընթացի անընդհատությունն ապահովելու անհրաժեշտությունից՝ Երևանի մշակույթի պետական քոլեջը /այսուհետ ԵՄՊՔ/ անցում է կատարում հեռավար ուսուցման կառուցակարգերի կիրառմանը։

1. 2020 թվականի մարտի 18-ից մինչև ապրիլի 14-ը ներառյալ ԵՄՊՔ-ում ընդհանուր մասնագիտական և հանրակրթական առարկաները կազմակերպել առցանց՝ օգտագործելով տեղեկատվական և հեռահաղորդակցության տեխնոլոգիաները, ուսանողներին ուղարկելով կրթական ծրագրով նախատեսված դասընթացների համապատասխան նյութերը, առաջադրանքները, գրականության ցանկերը։ Առցանց դասավանդման ընթացքում իրականացնել ոչ միայն գիտելիքների և կարողությունների հաղորդում, այլ նաև ուսանողների հարցումներ և գնահատում։

2. Ամբիոնների վարիչներին և կուրսղեկներին հանձնարարել համակարգել դասախոսների և ուսանողների հաղորդակցության օնլայն հարթակների ստեղծումը, դասախոսների հետ աշխատել հեռավար ուսուցման միջոցներով, բարեխղճորեն կատարել առաջադրանքները՝ հանդես բերելով պատասխանատվություն և գիտակցական վերաբերմունք։

3. Անհատական մասնագիտական դասընթացները հնարավորինս համակարգել առցանց, պարի, անսամբլային, երգչախմբային, դերասանի արվեստ, երաժշտական ոճաբանություն, կարի տեխնոլոգիա, նյութագիտություն դասընթացները կազմակերպել արտակարգ դրության ավարտից հետո արագացված կարգով։

4. Կուրսերի ավագներին հանձնարարել հնարավորինս օժանդակել քոլեջի առցանց ուսումնական գործընթացների կազմակերպման աշխատանքներին։

5. Ցանկացած հարցի դեպքում դիմել տվյալ առարկայի դասախոսսին և մաանագիտության ամբիոնի վարիչին։

6. ԵՄՊՔ-ում գործող միջին մասնագիտական ծրագիրը հեռավար ուսուցման միջոցներով կազմակերպելու և 2019-2020 ուսումնական տարվա ամփոփիչ ատեստավորման գործընթացին նախապատրաստվելու համար կուրսղեկներին, ուսումնական մասին, ամբիոններին խնդրում ենք իրականացնել ներքոհիշյալ աշխատանքները.

ա) հավաքագրել ԵՄՊՔ-ի ավարտական կուրսերի ուսանողների հեռահաղորդակցման բոլոր հնարավոր տվյալները /կոնտակտային բոլոր միջոցները/՝

— հեռախոսահամարներ,

— էլեկտրոնային փոստի հասցեներ,

— սոցիալական ցանցերում գրանցված օգտատերերի հասցեներ,

— այլ,

բ) հետադարձ կապի ապահովման և հեռավար ուսուցման կազմակերպման նպատակով այդ բոլոր տվյալները փոխանցել համապատասխան դասախոսներին,

գ) հավաքագրել դասախոսների հեռահաղորդակցման բոլոր հնարավոր կոնտակտային տվյալները /հեռախոսահամարներ, էլ. փոստի հասցեներ, սոցկայքերում գրանցված օգտատերերի հասցեներ և այլն/ և փոխանցել ուսանողներին,

դ) դասախոսներին տրամադրել ս․ թ․ մարտի 4-ից մինչև մարտի 7-ը՝ ներառյալ, և մարտի 13-ից մինչև ապրիլի 14-ը իրենց դասընթացների գծով կատարման ենթակա ժամաքանակները,

ե) միջոցներ ձեռնարկել ԵՄՊՔ ուսանողների ամփոփիչ ատեստավորման նախապատրաստման ուղղությամբ, դասախոսների հետ պայմանավորվածություն ձեռք բերել դասընթացների առցանց անցկացման եղանակների և գործիքների, դրանց ձևաչափերի և ժամկետների վերաբերյալ,

զ) դասախոսների հետ պայմանավորվածություն ձեռք բերել դասընթացների առցանց անցկացման եղանակների և գործիքների, դրանց ձևաչափերի և ժամկետների վերաբերյալ,

7. Առցանց դասընթացների կազմակերպման համար առաջարկում ենք ըստ անհրաժեշտության օգտագործել հետևյալ հասանելի միջոցները․

— էլեկտրոնային փոստեր,

— թիմային աշխատանքի համար ստեղծված հարթակներ՝ Trello.com,

— տեսակոնֆերանս ապահովող առցանց հարթակներ՝

ա) ZOOM (Ինտերֆեյսը դյուրին է, թույլ է տալիս ներգրավել մինչև 100 մասնակից, սակայն անվճար տարբերակով հնարավոր է միայն 40 րոպե տևողությամբ տեսակոնֆերանս),

բ) TRueconf — trueconf.ru (թույլ է տալիս ներգրավել մինչև 10 մասնակից),

գ) Google Hangouts Meet (առանց սահմանափակումների, աշխատում է նաև խելախոսների միջոցով),

դ) webinar.ru, որն ունի արագ կապուղու հնարավորություն, սակայն մասնակիցների թիվն անվճար տարբերակով չի կարող գերազանցել 5-ը։

8․Նաև ներկայացնում ենք տեսակոնֆերանսի հնարավորություն ընձեռող ծրագեր և հարթակներ․

— Skype

— Youtube live

— Facebook live

— Instagram live

— Zangi

— Malil.ru Myteam

— Linkchat

— Viber

— Whatsapp

— Facebook Messեnger

9․ Կարող եք օգտագործել այլ օգտակար կայքեր․

1. https://smallpdf.com/ru/pdf-to-word — Փաստաթղթերը ձևափոխելու հարթակ,

2. https://pdf.io/ru/pdf2doc/ — Փաստաթղթերը ձևափոխելու հարթակ,

3. http://unicodenow.com/ — ANSI-UNICODE առցանց փոխարկիչ,

4. https://www.canva.com – Առցանց շնորհանդես ստեղծելու համար նախատեսված հարթակ,

5. https://avatan.ru/ — Նկարները ձևափոխելու առցանց միջոց,

6. https://editor.0lik.ru/en/ — Նկարներ ստեղծելու և ձևափոխելու առցանց միջոց,

7. https://cloud.mail.ru/ -Ֆայլերի ամպային պահպանում,

8. https://drive.google.com — Ֆայլերի ամպային պահպանում։

10. Քոլեջի այն դասախոսներին և ուսանողներին, ովքեր տեխնիկական պատճառներով հնարավություն չեն ունենա իրականացնել առցանց դասերը, տալ հնարավորություն արտակարգ դրության ավարտից հետո դասընթացները կազմակերպել լրացուցիչ պարապմունքների միջոցով՝ ամբողջ ուսումնական ծրագիրն իրականացնելու նպատակով։

11. Յուրաքանչյուր երկուշաբթի ամբիոնների վարիչներին հանձնարարել ներկայացնել դասախոսների կատարած աշխատանքների վերաբերյալ հաշվետվություններ ուսումնական գծով փոխտնօրենին արտակարգ դրության ընթացքում և ավարտին,

12. Վերոնշյալ գործընթացների համակարգման պատասխանատվությունը վերապահել ԵՄՊՔ ուսումնական աշխատանքի գծով տնօրենի տեղակալին:

13. Յուրաքանչյուր երկուշաբթի տնօրենին ներկայացնել տեղեկատվություն նախորդ շաբաթվա ընթացքում իրականացված առցանց դասընթացների և ամփոփիչ ատեստավորման գործընթացի նախապատրաստման վերաբերյալ:

14. Ցանկացած հարցի դեպքում պարզաբանումներ ստանալու համար կարող եք դիմել ԵՄՊՔ տնօրինություն /[email protected]/։

ԵՄՊՔ-ի հարգելի ուսանողներ այս ամբողջ ժանակահատվածում դասախոսները ձեզ հետ կապ կհաստատեն, կտրամադրեն նյութեր և առաջադրանքներ, ինչին խնդրում ենք վերաբերվել բարեխիղճ և դրսևորել բարձր պատասխանատվություն։ Առցանց կրթության այս ընթացքը հնարավորություն է ապահովելու ուսումնական գործընթացի անընդհատությունը՝ չունենալով կորուստներ մասնագիտական գիտելիքների, հմտությունների և կարողությունների ձևավորման ճանապարհին։ Քանի որ այն կիրառվում է առաջին անգամ արտակարգ իրավիճակների պայմաններում, հնարավորություն է ստեղծում ինքնուրույն աշխատելու, ինքնակրթության միջոցով լրացնելու ձեր գիտելիքների տիրույթը:

Եղեք առողջ և հետևեք անվտանգության կանոններին:

ԵՄՊՔ ՏՆՕՐԻՆՈՒԹՅՈՒՆ