Երգիչ Վրեժ Կիրակոսյանը ԵՄԱՊՔ իր սաների հետ շուտով կներկայացնի նոր տեսահոլովակ, որը նվիրված է հայ զինվորին...

December 31, 2020 at 11:46 am

Տեսահոլովակը նկարահանվել է Արսեն Սաֆարյանի կողմից հանրությանը ներկայացված ու սիրված «Պարոնայք Սպաներ» երգի հիման վրա, որտեղ հանդես են եկել Մշակույթի քոլեջի երգեցողություն մասնագիտության ուսանողներ Արտեմ Սահակյանը և Հարություն Մարգարյանը քոլեջի դասախոս, երգիչ Վրեժ Կիրակոսյանի հետ։ Երգը ձայնագրելու և տեսահոլովակը նկարահանելու գաղափարը Վրեժ Կիրակոսյանինն է։ Տեսահոլովակը նկարահանվել է Եռաբլուր հուշահամալիրում, տեսահոլովակի ռեժիսորն է ՀՀ վաստակավոր արտիստ, երգիչ Մգեռ Արմենիան։ Տեսահոլովակը շուտով կներկայացվի հանրությանը, այն նվիրված է արցախյան պատերազմի մասնակիցներին, ինչպես նաև քոլեջից Արցախյան պատերազմում զոհված ուսանողներ Արեն Հովհաննիսյանին, Գոռ Յարալյանին և Էլվիս Իսրայելյանին։

Վրեժ Կիրակոսյանն ու իր սաները հատուկ շնորհակալություն են հայտնում երգի կատարող Արսեն Սաֆարյանին,

Երաժիշտ, գործիքավորող Արմեն Ձամուկաշվիլիին,

Լուսանկարիչ, ԵՄԱՊՔ դասախոս Տիգրաննա Սարգսյանին,

Դիմահարդար Գայանե Մելիքյանին,

ՀՀ վաստակավոր արտիստ, երգիչ Մգեռ Արմենիային,

Օպերատոր Վարդան Գրիգորյանին։

Լուսանկարները ներքևում...